რეკლამა
  • 2018-02-26
  • რეგისტრირებული წევრი - 215
  • ავტორები - 24
  • ნაწარმოებები - 832

ავტორი: ლახუნდარელი ჟანრი: თარგმანი / პოეზია გამოქვეყნება: 2016-07-02

ბუხრის მწმენდავი

ბუხრის მწმენდავი 
უილიამ ბლეიკი

ბუხრის მწმენდავებად აჰყავდათ 4-დან 8 წლამდე გამხდარი ბიჭები, რომელთაც მათი მშობლები ჰყიდდნენ. პატარა მებუხრეებს აიძულებდნენ შემძვრალიყვნენ ვიწრო საკვამურებში,  მშიშრებს და დაუმორჩილებლებს ნემსებით ჩხვლეტდნენ.  ხშირად ბავშვები საბუხრე მილში იჭედებოდნენ.. ტანზე  ფენებად ეკრათ  ჭვარტლი.  იხოცებოდნენ კიბოსა და ტუნერკულოზისაგან. მათი ფიზიკური მდგომარეობა დიდად არავის აწუხებდა, თუმცა სულიერ აღზრდას თვალს ადევნებდნენ - ლონდონის კანონების თანახმად, ბიჭებს საკვირაო სკოლაში უნდა ევლოთ ბიბლიის შესასწავლად. 
 (სხვადასხვა წყაროებიდან - ლახუნდარელი) 


პატარა ვიყავ,  როცა დედა წამართვა ზენამ,
მამამ გამყიდა უმალ, ვიდრე გავმართე  ენა,
ვიდრე ამოვთქვი სწორად "მამაო... ცათა შინა..." , 
ჰოდა, ვხეხავ  თქვენს ბუხრებს, ღამე კი ჭვარტლში მძინავს.

ერთხელ პატარა ტომი - ხუჭუჭთმიანი კრავი, 
ატირდა მწარედ, რადგან  სულ გადახოტრეს თავი,
იყუჩე-მეთქი, - ვუთხარ,  -შენთვის აჯობებს ასე,
აღარ გექნება თმები მურით და ჭვარტლით სავსე.

დაწყნარდა მაშინ თითქოს და სწორედ იმავ ღამეს
ძილში იხილა მართლაც გასაოცარი რამე -
ჯეკი, ნედი, ჯო, დიკი -მხეხავთა საძმო სრული,
შავ კუბოებში მწყვდეულთ  ძლივს-ღა რომ ედგათ სული

და ნახა  ანგელოსი, ელვარე გასაღებით,
მან  კუბოები დახსნა,  ყველამ იხარა შვებით,
ყიჟინით, ხტუნვით, რბენით მოედვნენ მწვანე ველებს,
მერე მდინარე იკლეს, ცაში მზე გაახელეს,

მზის სხივებს ჰგავდნენ თავად, გალაღდნენ, გაიხარეს,
მოახტნენ ფაფუკ ღრუბლებს და დაედევნენ ქარებს.
და რქვა  ტომს ანგელოსმა  - თუ ხარ დამჯერი ბიჭი,
მაშინ უფალიც გფარავს და არაფერი გიჭირს. 

გამოიღვიძა ტომმა  და  ჩვენც ავდექით ბნელში
და მივაშურეთ ბუხრებს ტომრით და ცოცხით ხელში, 
ციოდა, მაგრამ ტანში ტომს მაინც სითბო ედგა -
ვინც მიენდობა უფალს, ის ჭირსაც ხვდება მედგრად. 


The Chimney Sweeper
By William Blake

When my mother died I was very young, 
And my father sold me while yet my tongue, 
Could scarcely cry weep weep weep weep. 
So your Chimneys I sweep & in soot I sleep.

There"s little Tom Dacre, who cried when his head
That curled like a lamb"s back, was shaved, so I said,
"Hush, Tom! never mind it, for when your head"s bare,
You know that the soot cannot spoil your white hair."

And so he was quiet, & that very night,
As Tom was a-sleeping he had such a sight!
That thousands of sweepers, Dick, Joe, Ned, & Jack,
Were all of them locked up in coffins of black;

And by came an Angel who had a bright key,
And he opened the coffins & set them all free;
Then down a green plain, leaping, laughing they run,
And wash in a river and shine in the Sun.

Then naked & white, all their bags left behind,
They rise upon clouds, and sport in the wind.
And the Angel told Tom, if he"d be a good boy,
He"d have God for his father & never want joy.

And so Tom awoke; and we rose in the dark
And got with our bags & our brushes to work.
Though the morning was cold, Tom was happy & warm;
So if all do their duty, they need not fear harm.